चापोली ते कपीलधार पदयात्रा प्राथमिक स्वरूपात मार्गस्थ* चाकुर ता.प्र[अतहर शेख]:--

*चापोली ते कपीलधार पदयात्रा प्राथमिक स्वरूपात मार्गस्थ*

 

चाकुर ता.प्र[अतहर शेख]:--

 

चापोली - गेल्या 66 वर्षांपासून चापोली ते कपिलधार पदयात्रा चा अखंडपणे सुरू होती. परंतु यावर्षी कोरोण्याच्या पार्श्वभूमीवर ही पदयात्रा कुठेतरी थांबणार असे चित्र असताना चापोली येथील भक्तांनी ही पदयात्रा काढण्याचा निश्चय केला आणि प्रातिनिधिक स्वरूपात पाच जणांच्या शिष्टमंडळासह ही पदयात्रा आज कपिलधार कडे मार्गस्थ झाली.. राष्ट्रसंत परमपूज्य डॉक्टर शिवलिंग शिवाचार्य महाराज अहमदपूरकर हे आपल्या सर्वात नसल्या कारणाने राष्ट्रसंत परम पूज्य डॉक्टर शिवलिंग शिवाचार्य महाराज यांची संजीवन समाधी असलेल्या भक्ती स्थळाला काल जाऊन राष्ट्रसंतांची पूजा करून पदयात्रेत प्रारंभ करण्यात त्याला आज दुपारी चापोली येथे पदयात्रा आली आणि त्यानंतर तेथून पदयात्रा परंपरा प्रमाणे राष्ट्रसंत शिवलिंग शिवाचार्य महाराज यांना आदर्श मानून पदयात्रा मार्गस्थ झाली. ही पदयात्रा प्रातिनिधिक स्वरूपात असल्याकारणाने या पदयात्रेला मोठी स्वरूप नव्हते. ही पदयात्रा चाकूर, वडवळ जानवळ पानगाव अशा मार्गे कपिलधार येथे जाणार आहे व विशेष म्हणजे केवळ चापोलीच्या पदयात्रेला त्याठिकाणी मानाच्या शासकीय महापूजा सहभागी होण्याची परवानगी बीड चे जिल्हाधिकारी रेखावार यांनी दिली आहे. या पदयात्रेत दरम्यान कासनाळे परिवाराच्यावतीने पदयात्रेकरूना अन्नदान करण्यात आले. यावेळी आचार्य गुरुराज महाराज, परमपूज्य बालयोगी बालानंद महाराज, भगवान पाटील मन्मथ पालापूरे आदी उपस्थित होते.. कार्यक्रम चे सूत्रसंचालन गणेश स्वामी यांनी केले. पदयात्रेला पाठवण्यासाठी चापोली तील अनेक भाविक भक्त या ठिकाणी उपस्थित झाले होते.... पद यात्रेकरुंना मास्क व सॅनिटायझर चे वाटप चापोली ते कपिलधार पदयात्रेत सहभागी झालेल्या सर्व पदयात्री करूना माजी पंचायत समिती सदस्य निलेश मद्रेवार यांच्या वतीने कोरोनाच्या पार्श्वभूमीवर मास्क व सॅनिटायझर चे वाटप करण्यात आले. उपस्थित सदस्य व मान्यवरांच्या उपस्थितीत चापोली दिंडी प्रमुखांना मास्क व सॅनिटायझर सुपूर्द करण्यात आले.... कार्यक्रमासाठी येथील विविध युवक व ज्येष्ठ नागरिकांनी पुढाकार घेतला.....